VOV4.Jarai-Tlam lơ 15/12, ƀơi sang bruă Kơnuk kơna dêh čar, Khua mua git gai Ping gah kơnuk kơna hăng Anom bruă pơtô mơnuih ƀôn sang ping gah dêh čar jơnum pơƀut bruă mă ngă hrom mơ̆ng thun 2015-2021 hăng kĭ pơkôl bruă ngă hrom mơ̆ng thun 2021-2026. Pơhiăp ƀơi mông jơnum, kĭ pơkôl bruă mă pơ anăp adih, Khua dêh čar ơi Phạm Minh Chính lăi:

Lơ̆m rơnuk pơblih phrâo, bruă mă ngă hrom anom bruă ping gah Kơnuk kơna hăng anom bruă pơtô mơnuih ƀôn sang mơ̆ng gơnong dlông, khom pơđĭ tui djơ̆ hăng rơnuk phrâo, pơkă tơhnal pơtrun, bruă kiăng ngă, jơlan hơdră, pơsir lăp djơ̆ hăng anŏ pơđĭ kyar lŏn ia, tañ pơphun glăi, ngă tui lăp djơ̆ hăng Hră pơtrun  tal XIII mơ̆ng Ping gah dêh čar; ngă giong bruă jao, tơhnal pơtrun mơ̆ng Ping gah, khua mua pơ ala mơnuih ƀôn sang dêh čar pơkă mơ̆ng thun 2021-2025.

Nay Jek: Pơblang