VOV4.Jarai - Mơguah lơ 2/12, hơmâo pơphun Jơnum pơtruh nao rai mơnuih blơi sĭ gơnam kơplah wah ƀon prong Hồ Chí Minh hăng hơdôm boh tơring čar, ƀon prong amăng dêh čar. Pơhiăp ƀơi mông jơnum, Kơ-iăng khua ding jum pơkra gơnam sĭ mơdrô ơi Đỗ Thắng Hải lăng yôm biă bruă pơhlôm hơmâo gơnam ba sĭ kơ 10 klăk čô mơnuih ƀơi ƀon prong Hồ Chí Minh mah glăk amăng hrơi blan tơnap tap hloh lơ̆m klin hơđuh kơtang.

Jơnum pơtruh nao rai mơnuih blơi sĭ gơnam kơplah wah ƀon prong HCM hăng hơdôm boh tơring čar ƀon prong.

Kiăng ngă tŭ yua Jơlan hơdră djru kơ anom bơwih ƀong dưi mă bruă sĭ mơdrô, Kơ-iăng khua ding jum ơi Đỗ Thắng Hải kiăng Khua Jơnum min mơnuih ƀon sang ƀon prong Hồ Chí Minh, Gơnong bruă pơkra gơnam sĭ mơdrô hơdôm boh tơring čar hăng hơdôm anom bơwih ƀong pơđĭ tui anŏ tŭ yua mơng Jơlan hơdră Ngă hrŏm sĭ mơdrô, biă ñu lĕ hơdôm Jơlan hơdră Hơđong anih sĭ mơdrô hăng Jơlan hơdră pơtruh nao rai mơnuih blơi hăng sĭ gơnam hluai tui bruă pơƀut djru pơđĭ kyar anih sĭ mơdrô blơi gơnam mơng hmua, gơnam kiăng yua hloh.

Siu H’Mai: Pơblang