VOV4.Jarai - Amăng mông bơkơtuai tui jơlan telephone phrâo anai kơplah wah Khua Ding jum sĭ mơdrô Nguyễn Hồng Diên hăng Khua Ding jum sĭ mơdrô dêh čar Khač Vương Văn Đào, ơi Nguyễn Hồng Diên hmâo rơkâo laih Khač ngă gal brơi bruă ba gơnam mă mơng đang hmua, akan hơdang mơng Việt Nam sĭ kơ Khač tui jơlan bah amăng guai lŏn ia Việt Nam – Khač, biă ñu hơdôm gơnam giăm či pĕ pơhrui kah hăng bôh vải, bôh ƀrô Yuan, bôh pơ-ô̆... Khua Ding jum sĭ mơdrô dêh čar Khač ơi Vương Văn Đào brơi thâo, Khač ƀuh mơ-ka biă hăng amra kơtưn blơi gơnam mă mơng đang hmua, akan hơdang klă hiam mơng Việt Nam. Bơnah Khač ăt hmâo pơdŏng laih 10 kual tum pơƀut bôh troh, 4 kual tum pơƀut braih pơdai ƀơi hơdôm bah amăng guai lŏn ia bơnah gah Khač kiăng djru tum pơƀut hơdôm gơnam mă mơng đang hmua glăk amăng hơdôm hrơi pĕ pơhrui lu mơng Việt Nam./.

Siu H’ Prăk: Pô pơblang