VOV4.Jarai-Mơguah lơ 15/10, Khua anom bơwih ƀong gah ping gah dêh čar, ơi Trần Tuấn Anh hơmâo tŭ jum hăng mă bruă hrom ƀơi anăp laih anun lăng mơ̆ng ataih hăng khul grup sĭ mơdrô dêh čar Mi-ASEAN (USABC). Ƀơi mông mă bruă, dua bơnah hơmâo pơčrông nao rai hơdôm tơlơi phiăn či mă bruă, jơlan hơdră pơđĭ kyar bơwih ƀong huă mơnuih mơnam Việt Nam, hơdôm tơlơi rơkâo, pơčrâo brơi amăng tơlơi bơwih ƀong mơ̆ hơdôm anom bruă sĭ mơdrô dêh čar Mi đing nao kah hăng bruă ia jrao, apui lơtrik, bruă ngă hmua, prăk kăk, bơwih ƀong huă tui mrô, boh thâo ia rơgơi, djru anom bruă sĭ mơdrô rŭ glăi hăng pơđĭ kyar tơlơi kơ abih klin…

Mông jơnum bưp nao rai mă bruă hrom

Ơi Trần Tuấn Anh rơkâo djop anom bruă sĭ mơdrô dêh čar Mi ăt pok prong hloh bruă mă sĭ mơdrô tuh pơ alin ƀơi Việt Nam, ngă hrom anom bruă sĭ mơdrô mơ̆ng Việt Nam amăng bruă gah dehe čar Mi gêh găl laih anun Việt Nam hơmâo anŏ kiăng, djru hrom rŭ glăi bơwih ƀong huă tơdơi kơ abih klin. Grup mă bruă mơ̆ng Khul mơnuih sĭ mơdrô dêh čar Mi-ASEAN lăi pơtong, amra ngă hrom kjăp Ping gah, Kơnuk kơna Việt Nam, pơtrut tơlơi ngă hrom bơwih ƀong huă-sĭ mơdrô, tuh pơ alin kơplah wah dêh čar Mi hăng Việt Nam jai hrơi pơđĭ kyar.

Nay Jek: Pơblang