VOV4.Jarai-Ơi Phan Đình Trạc-Khua anom bruă pơgăn ƀong kông ngăn dêh čar hrom hăng grup khua mua pơ ala mơnuih ƀôn sang dêh čar ƀơi Lâm Đồng phrâo nao bưp mơnuih ƀôn sang ruah khua ƀơi să Hiệp An, tơring glông Đức Trọng hăng hơdôm boh phường, să amăng plơi prong Đà Lạt.

Grup khua mua pơ ala mơnuih ƀôn sang dêh čar tơring čar Lâm Đồng bưp mơnuih ƀôn sang ruah khua

Ƀơi anih nao bưp, mơnuih ƀôn sang ruah khua đăo kơnang mơ̆n hăng čang rơmang lu hơdră kơnuk kơna pơtrut bơwih ƀong huă mơnuih mơnam, pơsir tơlơi tơnap yua klin Covid 19 ngă, yua Kơnuk kơna pơphun, khua mua pơ ala mơnuih ƀôn sang dêh čar lăi pơthâo jơnum lok 2 tal XV.

Laih dơ̆ng, ăt rơkâo đĭ hăng lu bruă mă pơdjơ̆ nao git gai wai lăng kơnuk kơna, jơlan hơdră djru ba tơlơi hơdip mơda mơnuih ƀôn sang hăng akŏ bruă pơtrut sĭ mơdrô, pơkra ming amăng hrơi blan mă bruă kah tơđar ră anai. Đĭ pơhiăp hăng mơnuih ƀôn sang ruah khua, ơi Phan Đình Trạc, Khua anom bruă pơgăn ƀong kông ngăn dêh čar lăi, tơlơi pơgôp hiăp mơ̆ng mơnuih ƀôn sang, mơnuih ruah khua jing tơlơi kiăng lăp djơ̆ soh.

Grup khua mua pơ ala mơnuih ƀôn sang dêh čar ƀơi Lâm Đồng amra čih pioh laih anun brơi sang bruă pơpă hơmâo tơlơi dưi sem lăng, pơsir pơ anăp anai.

Nay Jek: Pơblang