VOV4.Jarai - Ƀrô hrơi ngui ngor bơyan Noel thun 2021, lơi 17/12, ƀơi tơring čar Nam Định, Khua apăn bruă git gai Ping gah, Khua anom pơtô ba mơnuih ƀon sang dêh čar, Bùi Thị Minh Hoài nao čuă, hơ-ơč kơ Ama prong wai lăng khul đăo Vũ Đình Hiệu hrŏm hăng ƀing ama, ƀing amai Sang jơnum prong  khul đăo Bùi Chu (să Xuân Ngọc, tơring glông Xuân Trường, tơring čar Nam Định). Pơ ala kơ khua mua Ping gah, Kơnuk kơna, Jơnum min djŏp djuai ania mơnuih mơnam Việt Nam, Khua anom bruă pơtô ba mơnuih ƀon sang dêh čar Bùi Thị Minh Hoài hơ-ơč hmưi kơ Ama prong wai lăng khul đăo Bùi Chu, Vũ Đình Hiệu hrŏm hăng ƀing ama, ƀing amai, mơnuih tui đăo Khŏp čơkă bơyan Noel mơ-ak mơ-ai, čơkă thun phrâo 2022 hiam drơi jăn pran jua. Ama prong Vũ Đình Hiệu bơni kơ khua mua Ping gah, Kơnuk kơna, hơdôm khul grup anom bruă čar, mơnuih mơnam, gong gai plơi pla lăng ba, djru ba bruă jơnum mơng mơnuih ƀon sang tui đăo Khŏp amăng Khul đăo Bùi Chu ăt kah hăng mơnuih ƀon sang tui đăo Khŏp amăng dêh čar ta.

Siu H’Mai: Pơblang