VOV4.Jarai - Tlam lơ 5/11, Khua anom pơphun bruă Ping gah Phan Đình Trạc hrŏm hăng grup hyu mă bruă mơng Ding jum kơđi čar mă bruă hăng Khul apăn bruă Ping gah ƀôn prong Đà Nẵng kiăng kơ pel ĕp bruă pơphun pơtô pơblang, ngă bruă jao hăng pok pơhai ngă tui tơlơi pơsit mơng Jơnum Ping gah đơ đam dêh čar tal XIII.

Khua anom pơphun bruă Ping gah mă bruă ƀơi Đà nẵng

Tui hăng akŏ bruă pel ĕp, grup hyu pel ĕp kiăo tui akŏ bruă mơng Ding jum kơđi čar pơtrun, pơphun mơng hrơi sa rơwang hrơi tơjuh pơ anăp anai, grup hyu mă bruă amra mă bruă hăng sa, dua gưl Ping gah amăng Khul apăn bruă Ping gah ƀôn prong Đà Nẵng anun lĕ anom bruă Ping gah ƀôn prong, gơnong akŏ bruă hăng tuh pơ alin, gơnong pơphun bruă mă, gơnong bruă wai lăng ayuh hyiăng rơhuông adai, Ping gah kông ti apui lơtrik kual tong krah, Ping gah Khul wai lăng Anih anom mă yua boh thâo măi mok phrâo - hơdôm Kual tuh tia pơkra pơjing Đà Nẵng hăng Khul apăn bruă Ping gah ling tơhan Ngũ Hành Sơn. Amăng thun anai, Đà Nẵng lĕ sa amăng 10 boh ƀon lan amăng đơ đam dêh čar hơmâo Ding jum kơđi čar ruah pel ĕp bruă git gai amăng kơsem min, bruă pơtô hrăm, pơtô pơblang hăng ngă tui sit nik tơlơi pơsit mơng Jơnum Ping gah tal XIII.

Siu Đoan: Pơblang