VOV4.Jarai-Mơguah lơ 8/10, ƀơi tơring glông Châu Thành, tơring čar Tây Ninh, ơi Nguyễn Trọng Nghĩa, ding kơna apăn bruă git gai ping gah dêh čar, Khua anom pơtô bruă Ping gah dêh čar, pô pơ ala mơnuih ƀôn sang dêh čar tơring čar Tây Ninh hơmâo mông bưp mơnuih ruah khua amăng tơring čar Tây Ninh hlâo kơ jơnum lok 2, khua mua pơ ala tal XV.

Ƀơi mông bưp, pô pơ ala yă Hoàng Thị Thanh Thúy, Kơ-iăng Khua grup khua mua pơ ala mơnuih ƀôn sang dêh čar ƀơi tơring čar Tây Ninh pôr tơlơi pơhing kơ bruă pơhlôm, pơgang klin covid 19 amăng tơring čar. Tui hăng anun, ƀơi Tây Ninh, klin covid 19 dưi pơgang laih samơ̆ aka ƀu hơđong ôh, mrô mơnuih ƀă amăng kual plơi pla ăt dŏ; Ră anai, tơring čar hlăk pơtrut bruă tlâ̆o vaccine, pok pơhai klă jơlan hơdră djru, hơdôm hơdră djru sang bruă sĭ mơdrô rŭ glăi bruă mă…

Mơnuih ruah khua rơkâo kiăng pơtrut kơtang tơlơi pơtô pơblang, pôr pơthâo, kiăng mơnuih ƀôn sang ƀuh anŏ hŭi rơhyưt mơ̆ng klin laih anun thâo hluh hloh amăng bruă pơgang. Bruă djru hơdôm mơnuih, anom bruă bơbeč djơ̆ mơ̆ng klin covid 19 lĕ khom pok prong mrô mơnuih, jak iâu lu anom bruă amăng mơnuih mơnam pioh blơi vaccine kiăng tañ pơsir glăi bruă mă bơwih ƀong huă.

Nay Jek: Pơblang