VOV4.Jarai - Ƀrô hrơi ngă lơphet 96 thun Hrơi hră pơhing Cách mạng Việt Nam, mơguah lơ 15/5, Khua git gai Ping gah, Khua anom pơtô bruă Ping gah ơi Nguyễn Trọng Nghĩa nao čuă, hơ-ơč hmưi 4 anom bruă čih hră pơhing phun: anun lĕ Gong phun pơtui jua pơhiăp dêh čar Việt Nam, Gong phun pơdah rup Việt Nam, hră pơhing Nhân dân, Thông tấn xã Việt Nam, laih dong lăi pơthâo kiăng akŏ pơjing hră pơhing hơkrŭ bruă čar mă bruă rơgơi, hơmâo tơlơi hiam hăng ngă bruă tŭ yua. Nao čuă, hơ-ơč hmưi kơ Gong phun jua pơhiăp dêh čar Việt Nam, Khua anom pơtô bruă Ping gah ơi Nguyễn Trọng Nghĩa bơni thun blan rơgao Gong phun pơtui jua pơhiăp dêh čar Việt Nam hơmâo lu tơlơi pơplih phrâo kơ bruă pôr pơhing, tơlơi čih pơhing kơ tơlơi hơkrŭ đưm hăng tơlơi pơplih rơnuk anai, hơmâo lu hơdră pôr pơhing, amăng anun anăp nao plơi pla, guai lŏn ia, bul ia rơsĭ. Khua anom pơtô bruă Ping gah ơi Nguyễn Trọng Nghĩa đăo gơnang Gong phun pơtui jua pơhiăp Việt Nam amra hmư̆ hing djŏp anih, pôr pơthâo kơjăp jơlan hơdră mơng ping gah pơtrun hăng mơnuih ƀon sang, truh pơ abih bang djuai ania, biă ñu lĕ kual pơ guai lŏn ia amra lu hloh.

Siu H’Mai: Pơblang