VOV4.Jarai - Tlam tom brơi, Jơnum min khua apăn bruă git gai pơ ala mơnuih ƀon sang jơnum pơđut mông jơnum tal 3. Pơhiăp ƀơi mông jơnum anai, Khua git gai pơ ala mơnuih ƀon sang dêh čar ơi Vương Đình Huệ lăi, ƀơi mông jơnum Jơnum min khua apăn bruă git gai pơ ala mơnuih ƀon sang pơgôp hiăp kơ 6 tơlơi phiăn hăng lu tơlơi yôm pơkŏn dong. Kơ bruă prăp lui kơ mông jơnum tal 2, kiăng hơmâo prăp lui klă bruă rơnuk rơnua hơđong kơjăp pơgang klin, pơhlôm pơsir hmao tlôn tơdah hơmâo tơlơi truh kơ ƀing khua nao jơnum. Hlâo kơ anun, amăng tlam lơ 22/9, lơ̆m sem lăng, pơsit hơdră mă yua prăk pơkrem amăng thun 2021, Jơnum min khua apăn bruă git gai pơ ala mơnuih ƀon sang dêh čar brơi mă 14 rơbâo 620 klai prăk pơmut amăng prăk pioh pơgang klin.

Ăt amăng tlam lơ 22/9, hăng abih bang khua amăng Jơnum min khua git gai pơ ala mơnuih ƀon sang dêh čar nao jơnum tŭ ư, Jơnum min khua apăn bruă git gai pơ ala mơnuih ƀon sang dêh čar hơmâo tŭ ư Kơčăo bruă akŏ pơdong plơi prong Từ Sơn, tơring čar Bắc Ninh.

Siu H’Mai: Pơblang