VOV4.Jarai-Khua dêh čar phrâo ngă hră Pơčrâo trun mrô 13/CT-TTg kơ bruă pơtrut hmar tui hnong mă bruă hăng anŏ tŭ yua pơkra hơdră tuh pơ alin mơ̆ng thun 2021-2025. Khua dêh čar pơtrun hiăp kơ hơdôm khua ding jum, khua anom bruă bơkơnar hăng ding jum, anom bruă gah kơnuk kơna dêh čar wai lăng, hơdôm anom bruă pơkŏn mơ̆ng gơnong dlông, sang bruă mơnuih tơpuôl kơđi čar-mơnuih mơnam; rơkâo hơdôm khua mua git gai ping gah tơring čar, ƀôn prong laih anun pơtrun hiăp khua mua jơnum min mơnuih ƀôn sang djop tơring čar, ƀôn prong gah dêh čar brơi git gai ha amăng plĕ ngă tui hơdôm bruă tui anai:

Kiăo tui kjăp hăng tum teč hloh tơlơi pơmin, bruă či ngă, bruă khom ngă, hơdră ngă tui, 3 mơta bruă kơtang hloh tui hăng Hơdră pok pơhai pơđĭ kyar bơwih ƀong huă mơnuih mơnam 10 thun mơ̆ng thun 2021-2030, anăp ngă bruă pơđĭ kyar bơwih ƀong huă 5 thun mơ̆ng thun 2021-2025 lơ̆m ruah khua ping gah dêh čar ta tal XIII pơtrun laih.

Tuh pơ alin kơ bruă phun, yôm hăng hơdôm bruă, kiăng biă mă pơtrut pơđĭ kyar, hơdôm kơčăo bruă pơprong kơ dêh čar, pơtruh nao rai amăng kual, tơring kiăng yua ječ ameč pioh pơtrut mă yua hơmâo boh tŭ yua rơnoh prăk kơnuk kơna tuh pơ alin kơ bruă čar.

Nay Jek: Pơblang