VOV4.Jarai - Hlâo anun, Khua dêh čar ta ơi Phạm Minh Chính hơmâo mông bưp ƀing ơi ia jrao, ƀing rơgơi bruă ia jrao Prang-Việt Nam. Đĭ pơhiăp amăng mông bưp, Khua dêh čar ơi Phạm Minh Chính brơi thâo, phrâo găn rơgao hrơi blan hơđuh đĭ klin tal 4, hăng djuai klin phrâo Delta, klin Covid-19 glăk dŏ lar hyu kơtang amăng tar ƀar rŏng lŏn tơnah, amăng anun hơmâo Việt Nam bơbeč kơtang nao tơlơi hơdip kơ mơnuih ƀon sang. Samơ̆ hăng pran gir run, gum pơgôp, ha pran mut hrŏm đơ đam dêh čar hăng tơlơi gum djru mơng dêh čar tač rơngiao amăng anun hơmâo Prang, Klin Covid-19 dưi pơgang hĭ laih. Việt Nam hơmâo pơphun bruă hơdeč hmar, rơnuk rơnua, pơgang kjăp klin kheng; pok hơkrŭ glăi bơwih ƀong huă, pơđĭ kyar bơwih ƀong huă-mơnuih mơnam. Khua dêh čar čang rơmang ƀing ơi ia jrao, ƀing rơgơi gah bruă ia jrao Prang - Việt Nam tŏ tui djru brơi Việt Nam ƀu djơ̆ kơnong pơgang klin Covid-19 ră anai đôč ôh mơ̆ ăt djru brơi Việt Nam amăng djop mơta bruă, sit biă ñu amăng pơgang, bruă ia jrao, pơđĭ kyar bruă pơkra jrao mơng anun ba glăi tơlơi hơdip trơi pơđao, yâo mơ-ak kơ mơnuih ƀon sang.  

Siu Đoan: Pơblang