VOV4.Jarai - Khua dêh čar ta ơi Phạm Minh Chính git gai jơnum lăng nao rai mơng ataih kơplah wah Kơnuk kơna hăng ƀôn prong Hồ Chí Minh hăng hơdôm tơring čar Bình Dương, Đồng Nai, Long An kơ bruă pơgang klin Covid-19, amăng hrơi blan klin ƀơi ƀôn prong Hồ Chí Minh ăt glăk ngă tơnap tap. Amăng  mông jơnum, Kơnuk kơna hăng khua mua ƀôn prong Hồ Chí Minh tŭ ư ngă tui khut khăt dong, sit nik dong tui tơlơi črâo trun mrô 16, ngă tui sa, dua hơdră pơgang klin brơi kjăp hloh, khut khăt ƀiă dong hăng tŭ yua kiăng pơgăn hĭ klin tui tơlơi jak iâu “rĭm boh să phường lĕ sa anih pơgang klin”.

Ngă tui hơdră pơčlah mơnuih brơi kjăp kiăng pơgăn hơdôm anih lar hyu klin, plai ƀiă mrô mơnuih F0, plai ƀiă mrô mơnuih djai. Amra hơmâo sa, dua tơlơi ngă tơnap, ƀu gêh gal amăng tơlơi hơdip samơ̆ yua kơ tơlơi suaih pral kơ mơnuih ƀon sang mơng kah mơnuih ƀon sang dưi pot glăi hơdip yâo mơ-ak. Khua dêh čar ta lăi pơtong, kiăng kơ pơčrang lăng tañ hloh tui tơlơi črâo trun mơng Ding jum ia jrao hăng hơdôm hơdră lăp djơ̆, mah nao tơl sang, pơčlah hĭ ƀing mơnuih F0 amăng mơnuih mơnam.

Siu Đoan: Pơblang