VOV4.Jarai-Mơguah lơ 17/8, ơi Phạm Minh Chính Khua dêh čar git gai jơnum, Kơnuk kơna jơnum pơčrông sai kơ bruă čih pơkra tơlơi phiăn amăng blan 8/2021. Pơhiăp ƀơi mông jơnum, ơi Phạm Minh Chính Khua dêh čar lăi rơđah, ngă tui Hră pơtrun Jơnum ruah khua ping gah tal XIII, hơdră mă bruă mơ̆ng Kơnuk kơna, bruă mă amăng năm blan akŏ thun, pơtum ngă tui 3 mơta bruă bơblih kơtang, 6 mơta bruă mă phun yôm, 12 mơta bruă yôm amăng rơwang bruă anai, amăng anun akŏ pơdong hơdră git gai kơnuk kơna hăng tơlơi phiăn ƀơi dêh čar.

Khua dêh čar rơkâo, djop khua ding jum khom pơđĭ tui abih pran jua mă bruă glăm ba yua kơ mơnuih ƀôn sang, pơtum git gai, pơčrâo bruă hlom bom, pơtum čih pơkra tơlơi phiăn hơdră git gai lŏn ia, klâo mơta tơlơi bơblih phrâo kơtang. Či hơbơi dŏ gun khom ĕp glăi pơsir djơ̆ tơlơi pơtrun mơ̆ng Ping gah, kơnuk kơna Lŏn ia.

Tơdah bơ tŭ ư laih khom ngă tui djơ̆ tui hăng abih bang ngă khua pô, ƀing ƀiă khom ngă tui ƀing lu, sa čô khom hmư̆ hiăp abih bang, khua mua gah yŭ gưt hiăp khua mua mơ̆ng dlông. Tơnap tap dơ̆ pă, khom hơmâo tơlơi tŭ ư hrom sa tơlơi pơmin. Pơpă, hơbil khom gum pơgôp soh amăng bruă mă, ha pran jua bơ tŭ ư hrom, gum pơgôp sit nik.

Nay Jek: Pơblang