VOV4.Jarai - Mơguah lơ 29/8, Khua dêh čar ơi Phạm Minh Chính, Khua git gai bruă pơgang klin Covid-19 dêh čar ta hơmâo git gai jơnum lăng nao rai amăng tivi Khua mua git gai pơgang klin Covid-19 hăng 20 boh tơring čar, ƀon prong, 209 boh kuâ̆n, tơring glông, plơi prong laih anun 1.060 boh să, phường, tơring kual či črâo rơđah bruă kiăng ngă tui Kông điên mơng Khua dêh čar hăng sa, dua hơdră ngă bruă yôm phun amăng bruă pơgang klin. Pơhiăp klah čun mông jơnum, Khua dêh čar ơi Phạm Minh Chính lăi, tơlơi kiăng yôm hloh ră anai lĕ pơgăn tañ, dưi pơgang klin tañ, tŭ yua tui tơlơi pơtrun mrô 86 mơng Kơnuk kơna.

Jơnum lăng nao rai amăng tivi Anom bruă git gai pơgang klin Covid-19

Tơring čar pơpă aka ƀu dưi ngă tui tơlơi pơčrâo trun khŏm lăng glăi, ĕp ƀuh tơhnal ƀu dưi ngă, biă ñu lĕ yua tơlơi pơmin pơ-ai, ƀu pơgang klin khut khăt mơng anom bruă, hơjăn pô, mơng anun kơđiăng lui amăng bruă git gai. Khua dêh čar ta lăi, ƀing ta jing lui hĭ laih tơlơi bơwih ƀong - mơnuih mơnam amăng bruă pơčlah, kŏm tơbiă hyu, hlơi dŏ pơpă lĕ dŏ dơnŏng ƀơi anih, tơdah tui anun lĕ ƀing ta khŏm dưi pơgang klin.

Siu H’Mai: Pơblang