VOV4.Jarai - Tlam (30/11), ƀơi Ƀirô Kơnuk kơna, Khua dêh čar ta ơi Phạm Minh Chính, Khua jơnum min dêh čar kơ bruă pơplih mă yua boh thâo phrâo git gai Jơnum lok blung a amăng Jơnum min dêh čar amăng mă yua boh thâo phrâo. Amăng mông jơnum, Khua dêh čar ta ơi Phạm Minh Chính pơsit tong, Tơlơi pơtrun ngă tui bruă mă yua boh thâo phrâo amăng pơjing 3 mơta anih phun: Kơnuk kơna, bơwih ƀong huă, mơnuih mơnam mă yua boh thâo măi mok phrâo hơmâo ba tơbiă amăng tơlơi pơsit amăng Jơnum Ping gah đơ đam dêh čar tal XIII. Kơnuk kơna, Khua dêh čar hơmâo pơsit Kơnuk kơna mă yua boh thâo phrâo lĕ sa amăng hơdôm bruă yôm phun. Anai lĕ bruă kiăng ngă hloh, kiăng kơ lăi pơthâo rơđah rơđông, tơpă sit, mơ-it nao Kơnuk kơna,pơtrut pơgăn hưp ƀong kông ngăn, yua gơnam khưi khai, pơgôp pơtrut pơđĭ kyar bơwih ƀong huă-mơnuih mơnam, pơplih amăng bơwih ƀong sĭ mơdrô, hrưn đĭ pran bơkơtưn, bruă mă amăng mơnuih mơnam hăng lĕ jơlan hơdră lăp djơ̆ kiăng pơđĭ kyar lŏn ia Việt Nam.

Siu Đoan: Pơblang