VOV4.Jarai - Mơguah lơ 30/8, ƀơi Hà Nội pơphun jơnum pơgôp hiăp kơ Hră lăi pơthâo glăi jơnum kah čun tơlơi pơtrun mrô 19-NQ/TW mơng Jơnum lok 6, Khua mua git gai Ping gah tal 11 kơ bruă pơplih phrâo tơlơi phiăn lŏn tơnah amăng hrơi mông hơkrŭ kơjăp abih bang, ngă tur kiăng truh thun 2020 dêh čar ta jing dêh čar mă yua boh thâo phrâo.

Khua dêh čar git gai jơnum pơgôp hiăp kơ tơlơi phiăn lŏn tơnah.

Pơhiăp ƀơi mông pơphun jơnum, Khua dêh čar ơi Phạm Minh Chính, Khua git gai bruă jơnum lăi: Tơdơi kơ giăm 10 thun ngă tui tơlơi pơtrun mrô 19-NQ/TW, ƀing ta dưi ngă lu bruă biă, pơtrut đĭ anŏ tŭ yua mơng lŏn tơnah đah mơng pơđĭ kyar bơwih ƀong huă - mơnuih mơnam, kiăng ngă dưm kơnar hăng hơđong kơjăp mơnuih mơnam, ling tơhan, rơnuk rơnua lŏn ia; pơgang ba anih hơdip lŏn adai, dưi dŏ hơdip hăng tơlơi pơplih ayuh hyiăng ră anai. Khă hnun, amăng bruă ngă ăt hơmâo lu tơlơi aka ƀu djơ̆ lơi. Yua hnun, Khua mua git gai Ping gah hơmâo ngă hră pơtrun akŏ pơdong Anom git gai klah čun 10 thun ngă tui tơlơi Pơtrun 19-NQ-TW. Khua dêh čar kiăng ƀing khua pơƀut bơkơtuai kơ hơdôm tơlơi ngă ngă, hơdôm tơlơi aka ƀu dưi ngă, ngă soh, hăng tơhnal ba truh hơdôm tơlơi aka ƀu dưi ngă tui Tơlơi pơtrun mrô 19-NQ-TW, biă ñu lĕ hơdôm tơlơi yua ƀing ta pơ-ai mă pô.

Siu H’Mai: Pơblang