VOV4.Jarai - Mơguah lơ 16/9, ƀơi Sang bruă Khua dêh čar, ơi Phạm Minh Chính, Khua dêh čar ta git gai mông Jơnum mơng Kơnuk kơna kơ bruă čih pơkra hăng ngă pơgiong tơlơi phiăn git gai lŏn ia. Mông jơnum hơmâo lăng nao rai amăng tivi mơng Sang jơnum Kơnuk kơna pơtruh nao rai hăng 63 boh tơring čar, ƀon prong. Pơhiăp ƀơi mông jơnum, Khua dêh čar ơi Phạm Minh Chính brơi thâo, tơdơi kơ anom bruă kơnuk kơna hơmâo prăp giong abih bang rơwang bruă 2021-2026, Kơnuk kơna, Khua dêh čar git gai hơdôm anom bruă, ping gah djŏp gưl pơphun bruă čih pơkra hăng ngă pơgiong tơlơi phiăn, tơlơi pơkôl pơkă, amăng anun pô ngă khua yơh gơgrong bruă phun git gai, krăp lăng, pơsur bruă čih pơkra hăng ngă pơgiong tơlơi phiăn dêh čar.

Mông Jơnum mơng Kơnuk kơna kơ bruă čih pơkra hăng ngă pơgiong  tơlơi phiăn.

Khua dêh čar ta rơkâo hơdôm ding jum, anom bruă kiăng pioh mông lăng glăi abih bang, hơdôm tơlơi aka ƀu djơ̆, hơdôm tơlơi kiăng lăi glăi. Khua dêh čar ta lăi rơđah, anai lĕ bruă yôm biă mă, kiăng pơsit, pơtŏng glăi djơ̆ hrŏm, pơsit rơđah hơdôm tơlơi kiăng ngă, pơtŏng glăi tơlơi dŏ tơdu, ĕp tơhnal tơlơi aka ƀu djơ̆, biă ñu lĕ tơlơi mơ̆ yua tơlơi pơmin ƀu djơ̆ mơng ană mơnuih ta đah mơng thâo pơsir.

Siu H’Mai: Pơblang