VOV4.Jarai -  Kơ-iăng Khua dêh čar ta ơi Lê Văn Thành phrâo kĭ mă yua Tơlơi črâo ba mrô 27 lơ 3/10/2021 mơng Khua dêh čar ta kơ bruă hơkrŭ glăi bruă pơkra gơnam ƀơi hơdôm bôh sang măi amăng hơdôm hrơi pơgang, pơgăn klin Covid-19. Tơlơi črâo ba lăi rơđah klin Covid-19 gluh đĭ hmâo bơdjơ̆ nao prong truh tơlơi bơkơtuai bơwih ƀong huă sĭ mơdrô mơng hơdôm bôh anom bơwih ƀong, tơlơi suaih pral, tơlơi hơdip mơng mơnuih ƀôn sang. Ping gah, Khua pơ ala mơnuih ƀôn sang dêh čar, Gŏng gai dêh čar hmâo mă yua lu Tơlơi pơtrun pơkă, Črâo ba, Klah  čun črâo ba pơgang, pơgăn klin Covid-19. Hăng tơlơi mut hrom klă mơng abih bang glông bruă kơđi čar, khul bơwih ƀong sĭ mơdrô hăng mơnuih ƀôn sang, truh ră anai klin ruă hmâo amăng ƀrư̆ dưi wai lăng hăng phun ñu pơtrut kơdun ƀiă laih. Khua dêh čar ta rơkâo Khua Ding jum, Khua ƀirô dưm kơnar hăng Ding jum, Khua ƀirô gah Gŏng gai dêh čar, Khua Jơnum min mơnuih ƀôn sang tơring čar, ƀôn prong gah dêh čar, hơdôm khul grŭp hăng mơnuih hmâo bơdjơ̆ nao ngă tui tơpă Tơlơi črâo ba anai./.

Siu H’ Prăk: Pô pơblang