VOV4.Jarai-Klăm lơ 17/11, pơ ala kơ khua mua ping gah, kơnuk kơna, Khua dêh čar ơi Phạm Minh Chính nao čuă hăng jao Miđai pơpŭ 60 thun Ping gah kơ ơi Vũ Khoan, ding kơna apăn bruă grup git gai ping gah dêh čar hơđăp, Kơ-iăng khua hơđăp dêh čar ta ƀơi sang anŏ ñu pô. Khua dêh čar ơi Phạm Minh Chính lăi pơtong, anai lĕ tơlơi apah bơni yôm biă mă mơ̆ng Ping gah čih pioh hơdôm bruă mă prong mơ̆ng ơi Vũ Khoan pơgôp pran jua amăng bruă hơkrŭ mơ̆ng Ping gah, djuai ania ta.

Khua dêh čar ơi Phạm Minh Chính  jao miđai 60 thun Ping gah kơ ơi Vũ Khoan

Khua dêh čar ơi Phạm Minh Chính lăi rơđah, ơi Vũ Khoan lĕ jing mơnuih nao hlâo, kah hăng ayong čung ba lu rơnuk khua mua apăn bruă tŭ yua, hơmâo pran jua pơgôp prong amăng bruă kơsem min tơlơi pơtô djơ̆, jơlan hơdră kơnuk kơna laih anun pơtô hrăm amăng dêh čar….Ơi Vũ Khoan kơ-iăng khua dêh čar hơđăp pơdah pran jua hok mơak dưi tŭ mă miđai pơpŭ 60 thun Ping gah, bơni kơ tơlơi đing nao mơ̆ng Ping gah, Kơnuk kơna hăng drơi pô mơ̆ng Khua dêh čar Kơnuk kơna.

Nay Jek: Pơblang