VOV4.Jarai-Mơguah lơ 27/10, pơphun jơnum khua mua pơprong ASEAN-Japan tal 24. Khua dêh čar ơi Phạm Minh Chính ba jơlan hlâo khua mua pơ ala Việt Nam nao jơnum hrom khua mua hơdôm dêh čar kual ASEAN, Khua dêh čar Japan ơi Kishida Fumio hăng Khua čih pioh ASEAN. Pơhiăp ƀơi mông jơnum, Khua dêh čar ta ơi Phạm Minh Chính lăi pơtong Việt Nam amra djru hrom hiam klă, ba tơlơi ngă giăng mah dua bơnah kjăp hloh, tong ten, tŭ yua hăng dơlăm tui.

Khua dêh čar lăi pơtong, dua bơnah ngă hrom kjăp hloh laih anun hơđong hơdôm tơlơi hơdai gum hrom djru kơ bruă pơgang Covid 19, ngă gêh găl đut tơhnal kơ sang bruă sĭ mơdrô, mơnuih ngă bruă sĭ mơdrô tuh pơ alin mơ̆ng Japan hơđong mă bruă pơkra ming, sĭ mơdrô amăng djop kual ƀơi Việt Nam. Laih dơ̆ng, Khua dêh čar ăt rơkâo dêh čar Japan djru ASEAN ăt pơhrŏ ƀiă anŏ pleh ploh pơđĭ kyar, kiăng pơđĭ kyar bơkơnar, pơdum, hơđong kjăp ƀơi djop kual, tơring, amăng anun kual Mekong kơnang kơ bruă ngă hrom Mekong hăng Japan.

Nay Jek: Pơblang