VOV4.Jarai-Khua dêh čar phrâo kĭ hră pơtrun mrô 09/NĐ-CP lơ 18/5/2021 kơ bruă blơi ia jrao vaccine pơgang Covid 19. Hră pơtrun anai, Kơnuk kơna jao kơ Ding jum ia jrao tañ pơpha hnong blơi vaccine pioh pok pơhai tlâ̆o pơgang vaccine kơ lu mơnuih ƀôn sang.

Hlâo kơ anun, Khua dêh čar ơi Phạm Minh Chính lu wơ̆t lăi, ƀơi anăp kơ tơlơi rung răng tơnap tap klin kheng ngă ră anai, bruă pơhlôm pơgang klin kiăng bơblih jing hơdră mă bruă djơ̆ găl, pơpha bruă tŭ yua pơhlôm rah, pơgang rah, ngă tui tŭ yua hơdră anăn “5 K+vaccin"” Kơnuk kơna jao kơ Ding jum ia jrao tañ pơphun ngă tui bruă blơi vaccine tañ hloh pioh pok pơhai tlâ̆o pơgang hmao kru truh pơ djop mơnuih ƀôn sang.

Anih phun lăi pơthâo : Hră pơhing điện tử Kơnuk kơna. Khua dêh čar brơi ngă tui khut khăt tŭ yua hơdră blơi vaccine, rơđah biă ñu, pơtrut tañ hloh bruă blơi, pơmut ia jrao vaccine mơ̆ng lu sang bruă djơ̆ tui hăng tơlơi git gai mơ̆ng Khua dêh čar; tŭ mă hơdră pơkra ming, pơtrut kơsem min hăng pơkra ia jrao vaccine amăng dêh čar ta pô; pơphun tlâ̆o ia jrao pơgang tŭ yua, pơhlôm pơgang hlâo tơlơi či truh laih anun pơblang tong ten sit hơmâo tơlơi truh laih tlâ̆o ia jrao pơgang.

Nay Jek: Pơblang