VOV4.Jarai - Kiăo tui tơlơi rơkâo mơng Khua ding jum kông an hăng Khua Anom bơkơtưn - apah bơni Kơnuk kơna ta, Khua dêh čar hơmâo ngă hră mrô 1065/TTr-TTg lơ 3/8/2021 rơkâo Khua mir sir brơi Miđai Djru bruă prong prin mrô 2 kơ Thượng uý Phan Tấn Tài, pô ngă tơhan kông an hyu hơduah ĕp kơđi ngă soh ma tuý, Kông an kuâ̆n 6, kông an ƀon prong Hồ Chí Minh, Ding jum Kông an, hơmâo ngă bruă rơgơi abih pran jua gum bruă pơđĭ kyar chủ nghĩa xã hội hăng pơgang ba Lŏn ia. Hlâo kơ anun, tlam mơmot lơ 2/8, Grup hyu tir hơmâo 4 čô tơhan (amăng anun hơmâo Thượng úy Phan Tấn Tài, tơhan hyu hơduah ĕp kơđi tơlơi soh ma tuý Kông an kuâ̆n 6) ngă bruă hyu tir, wai lăng pơgang klin. Amăng mông hyu tir, Grup hơmâo ƀuh sa čô đah rơkơi tơbiă ƀơi jơlan mơ̆ lơ̆m ƀu hơmâo bruă kiăng ječ ameč, ngă soh tơlơi phiăn pơgang klin. Grup hyu tir kiăng pô anai glăi pơ Kông an phường ngă rơđah bruă. Lơ̆m glăk nao, pô anai pô hla tui ôh, pơpor rơdêh đuăi hlao yua hnun grup kông ang kiăo mă ñu. Amăng mông kiăo mă, pô anun pơseng rơdêh ngă kơ Thượng uý Phan Tấn Tài rơbuh rơdêh hăng djai hlao.

Siu H’Mai: Pơblang