VOV4.Jarai - Ƀrô hrơi ơi Phạm Minh Chính hơmâo Khua pơ ala mơnuih ƀon sang dêh čar tal 15 ruah ngă Khua dêh čar Việt Nam, Khua dêh čar Kur ơi Samdech Techo Hun Sen hơmâo mơ-it hră hơ-ơč hmưi. Amăng hră mơ-it, Khua dêh čar ơi Hun Sen pơsit: bruă ơi Phạm Minh Chính hơmâo Khua pơ ala mơnuih ƀon sang dêh čar Việt Nam tal 15 ruah ngă Khua dêh čar Việt Nam rơwang thun 2021-2026 pơdah tơlơi đăo gơnang prong mơng Ping gah, Kơnuk kơna hăng mơnuih ƀon sang Việt Nam hăng tơlơi gum djru mơng Khua dêh čar yua sa boh lŏn ia Việt Nam pơdrong asah, pơplih phrâo yŭ tơlơi git gai klă mơng Ping gah Cộng sản Việt Nam. Khua dêh čar Kur ơi Hun Sen hok mơ-ak kơ tơlơi đĭ kyar hiam mơng dua bơnah amăng thun blan rơgao kiăo tui tơlơi pơmin ngă gŏp mơ-ak hăng dêh čar ieo gah, gum pơgôp nao rai, thâo hluh nao rai, ngă bruă klă hiam kơ dua bơnah, pơsit kiăng ngă hrŏm kơjăp hăng Khua dêh čar ơi Phạm Minh Chính amăng hrơi blan pơ anăp.

Siu H’Mai: Pơblang