VOV4.Jarai - Ƀơi mông jơnum lok 1, Khua pơ ala mơnuih ƀon sang dêh čar tal 15, mơguah lơ 22/7, Khua dêh čar ơi Phạm Minh Chính pơdah pơƀuh hră rơkâo Khua mua pơ ala mơnuih ƀon sang dêh čar pioh hnong anom bruă amăng Kơnuk kơna hơmâo 22 anom bruă tui rơwang thun 2016-2021 hơmâo: 18 ding jum hăng 4 anom bruă kơnar hăng ding jum. Rơđah biă ñu, anom bruă mơng kơnuk kơna hơmâo hơdôm ding jum: Ding jum ling tơhan, Ding jum Kông ang, Ding jum pơtom hiăp, Ding jum bruă čar, Ding jum tơlơi phiăn, Ding jum akŏ bruă tuh pơ alin, Ding jum Prăk kăk, Ding jum tuh tia pơkra gơnam, Ding jum ngă bruă hăng Pơđĭ kyar plơi pla, Ding jum wai lăng jơlan nao rai, Ding jum Man pơdong, Ding jum Kông ngăn amăng lŏn tơnah hăng ayuh hyiăng, Ding jum Pôr pơhing, Ding jum Mơnuih mă bruă tơhan rơka hăng mơnuih mơnam, Ding jum Boh thâo gru grua bơkơjăp drơi jăn hăng tuai čuă ngui, Ding jum Boh thâo ia rơgơi măi mok phrâo, Ding jum pơtô hăng pơjuăt, Ding jum ia jrao. Hơdôm anom bruă prong dưm kơnar hăng ding jum kah hăng: Jơnum min wai lăng djuai ania, Sang bruă prăk Kơnuk kơna Việt Nam, Anom bruă hơduah ĕp kơđi Kơnuk kơna hăng Anom bruă Kơnuk kơna.

Khua dêh čar ơi Phạm Minh Chính pơdah thâo hră pơ-ar ƀơi Khua mua pơ ala mơnuih ƀon sang.

Siu H’Mai: Pơblang