VOV4.Jarai - Tŭ ư hăng tơlơi jak iâu mơng Khua dêh čar Việt Nam ơi Phạm Minh Chính, Grup khua mua pơprong mơng dêh čar Lao yua kơ Khua dêh čar ơi Phankham Viphavanh ba jơlan hlâo rai čuă sit nik dêh čar Việt Nam dong mơng lơ 8 -10/1, hăng git gai hrŏm Jơnum tal 44 Jơnum min pơlir hơbit Kơnuk kơnuk kơna Việt Nam - Lao hăng pơphun Thun gum pơgôp giang mah Việt Nam - Lao, Lao - Việt Nam thun 2022. Tal rai čuă pơsit tong pran gum pơgôp, pơlir hơbit, đăo gơnang tơdruă hlâo adơi jing sa mơng dua Ping gah, dua Kơnuk kơna hăng mơnuih ƀon sang dua boh dêh čar. Thun 2022 lĕ thun yôm phun amăng tơlơi rô nao rai ngă hrŏm kơplah wah Việt Nam - Lao, Lao - Việt Nam. Khua mua dua boh dêh čar hơmâo tŭ ư hrŏm pơphun hơdôm hrơi pioh hơdor pơprong mơng Việt Nam hăng Lao anun lĕ hrơi hơdor glăi 60 thun hrơi akŏ pơjing tơlơi rô nao rai pơtom hiăp; 45 thun hrơi kĭ tơlơi pơkôl giang mah hăng ngă hrŏm.

Siu Đoan: Pơblang