VOV4.Jarai-Mơguah lơ 19/12, Khua dêh čar ơi Phạm Minh Chính hơmâo mă bruă hăng khua mua phun ƀôn prong Hải Phòng kơ bruă pơđĭ kyar bơwih ƀong huă, mơnuih mơnam thun 2021 laih anun anăp ngă bruă, bơwih ƀong huă, mơnuih mơnam thun 2022.

Mông jơnum mă bruă mơ̆ng Khua dêh čar hăng khua mua Hải Phòng

Pơhiăp klah čun mông mă bruă Khua dêh čar ơi Phạm Minh Chính čih pioh, lăng yôm, bơni tơlơi gir run mơ̆ng mơ̆ng Ping gah, gong gai kơnuk kơna, mơnuih ƀôn sang ƀôn prong Hải Phòng hăng  hơdôm boh tơhnal yôm dưi ngă laih, djru hrom hur har hloh amăng bruă mă boh tơhnal hrom amăng dêh čar ta.

Laih dơ̆ng, Khua dêh čar ăt pơčrâo rơđah 10 mơta hơdră bruă kiăng pơphun ngă tui pơ anăp anai, blung hlâo lĕ, khom pơtô lăi tong ten hăng ngă tui djơ̆, tŭ yua Hră pơtrun Jơnum ruah khua ping gah dêh čar tal XIII, Hră pơtrun mrô 45  mơ̆ng Ding jum kơđi čar, Hră pơtrun 35 mơ̆ng Khua pơ ala mơnuih ƀôn sang dêh čar, hră pơtrun mơ̆ng Kơnuk kơna hăng hră pơtrun jơnum ruah khua ping gah ƀôn prong Hải Phòng.

Nay Jek: Pơblang