VOV4.Jarai-Khua dêh čar ơi Phạm Minh Chính hăng grup mă bruă mơ̆ng kơnuk kơna hơmâo mă bruă hăng khua mua tơring čar Hưng Yên kơ bruă akŏ pơdong ping gah, tơlơi pơhing bơwih ƀong huă, mơnuih mơnam hăng bruă mă akŏ pơdong ping gah thun 2021; anăp mă bruă amăng thun 2022. Kơ bruă mă amăng thun blan pơ anăp, Khua dêh čar ta ơi Phạm Minh Chính pơtrun hiăp:

Khom hur har bơblih phrâo, pơčeh phrâo, pơtrut ngă tui hlom bom, hmar hăng hơđong kjăp, pơđĭ kyar bruă tuh tia pơkra ming tui boh thâo ia rơgơi, bruă tuh tia pơkra ming sĭ mơdrô hăng rơnoh yôm, phrâo hnuă. Pơđĭ kyar bơwih ƀong huă mơnuih mơnam nao hrom bruă pơgang pioh, pơđĭ tui rơnoh yôm gru grua hiam đưm, yôm phara laih anun pơgang anih dŏ jum dar; pơsir klă hơdôm bruă mă mơnuih mơnam.

 Kơ bruă pơhlôm, pơgang klin Covid 19, ngă tui djơ̆ hơdră dŏ hơdip mơda hơđong, pơgang klin tŭ yua, mă bruă rah, pơgang klin rah. Ăt pơtrut tui bruă pơtô kơ mơnuih ƀôn sang ngă tui djơ̆ 5 K; ƀu dưi ngă amưng ôh, pơphun klă bruă mă tlâ̆o jrao vaccine.

Nay Jek: Pơblang