VOV4.Jarai - Tlam lơ 14/9, ƀơi Ƀirô Kơnuk kơna, Khua dêh čar ta ơi Phạm Minh Chính hơmâo mông mă bruă hăng Khua sang anih jưh pơ ala dêh čar Hàn Quốc hăng sa, dua grup bơwih ƀong sĭ mơdrô dêh čar Hàn Quốc ƀơi Việt nam. Khua dêh čar ta lăi pơtŏng klin lĕ bruă ngă tơnap tap amăng rŏng lŏn tơnah ră anai yua anun hơdôm hơdră bruă pơphun amăng rŏng lŏn tơnah kiăng pơhlôm gum pơgôp hăng gum hrŏm abih bang kiăng pơgang hĭ klin. Khua dêh čar ta rơkâo gah dêh čar Hàn Quốc tŏ tui djru brơi dêh čar Việt Nam kiăng kơ tañ hơmâo vaccine lu hloh, hăng hơdôm bruă ngă phara kiăng kơ ba rai tañ hloh, biă mă ñu amăng blan 9, blan 10 anai hăng ngă hrŏm jao boh thâo pơkra pơjing vaccine, ia jrao pioh pơjrao, gơnam măi mok gah ia jrao; hơdôm anom bơwih ƀong sĭ mơdrô Hàn Quốc tŏ tui gum tơngan hrŏm hăng Việt Nam ngă tui hơdôm hơdră kiăng kơ dưi pơgang hĭ klin hăng hơdôm tơlơi pơčeh phrâo, gơgrong kjăp hloh kiăng kơ tañ pơgang hĭ klin, tŏ tui bơwih ƀong huă sĭ mơdrô.

Siu Đoan: Pơblang