VOV4.Jarai - Khua dêh čar ta ơi Phạm Minh Chính phrâo mơ-it hră juh alum, bơni kơ tơlơi gum pơgôp, djai drơi pô mơng ƀing ơi ia jrao, mơnuih apăn bruă pơgang klin Covid-19. Hơdôm tơlơi gum djru anun jing pơƀuh rai gru hiam ngă bang bơngač amăng bruă pơgang klin. Ping gah, Kơnuk kơna pơpŭ bơni biă mă hơdôm tơlơi gum djru prong mơng ƀing pơgang klin phun, biă ñu lĕ ƀing ơi ia jrao.

Hrơi blan pơ anăp, klin ăt dŏ kơtang đôč, aka ƀu thâo krăn hiư̆m pă ôh. Ƀing ta pơsit anai lĕ bruă mă sui thun, bưp lu tơlơi glêh tơnap. Khua dêh čar čang rơmang abih bang mơnuh apăn bruă pơgang klin pơdah pơƀut pran jua gir run bơwih brơi mơnuih ƀon sang. Ƀing ta đăo gơnang, gir kơ bruă hloh, ngă bruă kơtang hloh hăng lu hơdră pơgang dưm kơnar, hơmâo abih bang mơnuih ƀon sang tŭ ư ngă hrŏm, tui anun ƀing ta amra dưi pơgang klin mơtăm yơh.

Siu H’Mai: Pơblang