VOV4.Jarai - Tlam lơ 2/11, amăng mông jơnum tal 26 hơdôm dêh čar mut hrŏm tơlơi pơkôl Công ước khung mơng Sang gum hơbit djop dêh čar kơ bruă ayuh hyiăng pơplih sat (COP26) pơphun ƀơi dêh čar Angle, Khua dêh čar ta ơi Phạm Minh Chính nao jơnum hăng đĭ pơhiăp amăng mông lăi pơthâo tơlơi ƀuăn hrŏ trun hyuh metan amăng rŏng lŏn tơnah yua Khua mir sir Mi ơi Joe Biden hăng Khua Jơnum min kual Mi kô̆ git gai hrŏm.

Đĭ pơhiăp amăng mông lăi pơthâo anai, Khua dêh čar ơi Phạm Minh Chính pơpŭ bơni hăng lăng yôm bruă Khul pơphun, Khua mir sir Mi hăng Khua jơnum min kual Mi kô̆ hơmâo jak iâu nao pơhmư̆ mông lăi pơthâo tơlơi ƀuăn hrŏ trun hyuh metan. Amăng mông jơnum anai, Khua dêh čar ơi Phạm Minh Chính hơmâo 2 tơlơi pơgôp hiăp. Khua dêh čar ta iâu pơthưr gum pơgôp, mut hrŏm, gum tơngan pơgăn hĭ bruă pơđoh tơbiă lu đơi hyuh metan. Khua dêh čar ta lăi pơtong, anai lĕ bruă amăng tar bar rŏng lŏn tơnah yua anun kiăng kơ gum hrŏm; yua kơ anai lĕ amra bơbeč nao ană mơnuih amăng tar ƀar rŏng lŏn tơnah.

Siu Đoan: Pơblang