VOV4.Jarai-Mơguah lơ 6/1, Khua dêh čar ơi Phạm Minh Chính nao jơnum hrom pơƀut bruă mă gah anom bruă Prăk kăk dêh čar thun 2021 hăng pok pơhai bruă mă thun 2022. Pơhiăp git gai jơnum, ơi Phạm Minh Chính Khua dêh čar pơtrun hiăp, Anom bruă prăk kăk kiăng git gai bruă mă yua prăk kăk kơnuk kơna thun 2022 tong ten hloh thâo pơkrem, tŭ yua, amăng rơnoh prăk khua mua pơ ala mơnuih ƀôn sang dêh čar pơtrun; pơhlôm djop prăk mă bruă či ngă yôm amăng thun, gleng nao kơ bruă pơhlôm, pơgang klin Covid 19, bruă mă ječ ameč, ƀu thâo hlâo, pơtrut mă yua prăk tuh pơ alin kơ bruă čar, ngă anŏ pơtrut kơtang rŭ glăi hăng pơđĭ kyar bơwih ƀong huă.

Khua dêh čar đăo kơnang lĕ, hăng gru grua rơgao 76 thun akŏ pơdong hăng pơđĭ kyar, anom bruă prăk kăk gir run hloh, git gai abih bang khua mua, mơnuih mă bruă ăt khom găn rơgao tơlơi tơnap tap, lông lăng hăng ngă giong tơhnal pơtrun, bruă mă kơđi čar, yua prăk kăk kơnuk kơna, pok pơhai djơ̆ Hơdră rŭ glăi pơđĭ kyar bơwih ƀong huă mơnuih mơnam dêh čar thun 2022, ngă gêh găl klă hloh akŏ bruă pơđĭ kyar 5 thun mơ̆ng thun 2021-2025 laih anun Hơdră ngă bruă 10 thun pơ anăp adih mơ̆ng thun 2021-2030 tui Hră pơtrun Jơnum ruah khua ping gah dêh čar ta tal XIII pơsit.

Nay Jek: Pơblang