VOV4.Jarai - Ƀơi sang adôh suang prong Hà Nội phrâo pơphun hrơi jao pri đơ đam dêh čar kơ bruă pôr pơhing pơtom hiăp tal VII. Đĭ pơhiăp amăng mông ngă lơphet, Khua dêh čar ơi Phạm Minh Chính lăi pơtong: “Bruă pôr pơhing pơtom hiăp lĕ yôm phiăn biă mă, kiăng kơ ngă mơnuih mơnam amăng rŏng lŏn tơnah thâo rơđah tơlơi pơtrun mơng Ping gah, hơdră bruă, tơlơi phiăn mơng Kơnuk kơna; pơlăi nao rai, dong yua tơlơi pơsit mơng Việt Nam hăng hơdôm bruă amăng kual hăng jar kmar; lăi pơthâo rup rap lŏn ia, ană mơnuih, gru grua mơng djuai ania hăng hơdôm tơlơi dưi amăng pơđĭ kyar lŏn ia”.

Khua dêh čar ta jao pri đơ đam dêh čar kơ bruă pôr pơhing pơtom hiăp tal VII

Tui hăng Khul pơphun, hơdôm tơlơi čih nao pơplông mă pri thun anai hơmâo lu boh tơhnal, djop mơta mơng djop hrơi mông jơnum anet prong, bruă yôm phun amăng thun 2021. Sit biă ñu, lu tơlơi čih hơmâo pôr pơhing amăng plang boh thâo măi mok phrâo, ba glăi tơlơi yôm amăng pôr pơhing pơtom hiăp, ngă lar hyu, pơhưč lu mơnuih amăng lŏn ia hăng tač rơngiao đing nao.

Siu Đoan: Pơblang