VOV4.Jarai - Mơguah lơ 22/12, ƀơi plơi prong Đồng Hới, tơring čar Quảng Bình, Khul khua apăn bruă git gai Ping gah, Ƀirô khua pơ ala mơnuih ƀon sang, Khua mir sir, Jơnum min djŏp djuai ania mơnuih mơnam Việt Nam hăng tơring čar Quảng Bình pơphun ngă lơphet 110 thun hrơi tơkeng Đại tướng Võ Nguyên Giáp (25/8). Khua dêh čar ơi Phạm Minh Chính nao pơhmư̆ hăng pơđok hră hơdor bơni.

Ƀơi mông ngă lơphet, Khua dêh čar ơi Phạm Minh Chính pơsit tơlơi pơmin, pran jua, tơlơi gum pơgôp prong prin mơng Đại tướng hăng bruă hơkrŭ lŏn ia Việt Nam hăng ƀơi rŏng lŏn tơnah amra djă pioh, hơdor lui na nao amăng gru grua djuai ania ta hăng gru grua hơkrŭ lŏn ia ƀơi rŏng lŏn tơnah. Ƀrô hrơi ngă lơphet anai, pơ ala kơ khua mua Ping gah, Kơnuk kơna, Khua dêh čar ơi Phạm Minh Chính kiăng djŏp gưl ping gah, anom bruă, tơring čar hăng kiăng ƀing khua, mơnuih apăn bruă, ling tơhan pơtrut tui dong pran jua gum pơgôp, ha pran jua ngă bruă, mơnuih ƀon sang dŏ pơ čar rơngiao bơbuă tui hloh pran jua khăp kơ lŏn ia, gir kơtir mă pô, pran kơjăp kơtang mơng tơlơi gum pơgôp abih bang djuai ania hăng tơlơi kiăng khăp hrưn đĭ, gir găn rơgao tơlơi tơnap tap, tơlơi lông ƀơi anăp, gir ngă truh kih Tơlơi pơtrun jơnum Ping gah dêh čar tal 13.

Siu H’Mai: Pơblang