VOV4.Jarai - Lơ 14/11, ƀrô hrơi pơpŭ nai pơtô Việt Nam (20/11), Khua dêh čar ơi Phạm Minh Chính hơmâo mông bưp ƀing pơ ala brơi nai pơtô, mơnuih apăn bruă gah gơnong bruă pơtô pơjuăt ba gru. Pơ ala brơi khua mua Ping gah hăng Kơnuk kơna, Khua dêh čar ơi Phạm Minh Chính pơpŭ pran găn rơgao tơnap tap, lăng yôm hơdôm tơlơi gir run mơng abih bang nai pơtô amăng đơ đam dêh čar. Tui hăng Khua dêh čar, ră anai đơ đam dêh čar glăk gir run ngă tui khut khăt hơdôm hơdră pơplih phrâo, djop mơta amăng bruă pơtô hrăm kiăng kơ klă dong amăng bruă pơtô brơi ƀing čơđai djop gưl.

Khua dêh čar ơi Phạm Minh Chính bưp ƀing nai pơtô ba gru

Hăng tơlơi pơsit: Lăng ƀing čơđai lĕ phun; đing nao pơtô pran hơdip hiam, kơnuih, thâo pơčeh phrâo mơng ƀing čơđai sang hră. Amăng hrơi blan klin dŏ ngă tơnap tap, Kơnuk kơna glăk hăng amra pơsir hĭ tañ hloh hơdôm bruă tơnap tap ră anai kiăng kơ ngă gêh gal brơi gơnong bruă pơtô pơjuăt hluai tui tơlơi sit nik amra pơgang klin kjăp hloh. Tui anun, Kơnuk kơna tŭ ư̆ amra ƀu brơi ƀing čơđai hrăm lăng nao rai mơng ataih sui đơi ôh; jao Ding jum pơtô pơjuăt, Ding jum ia jrao gum hrŏm hăng djop ƀon lan hơmâo hơdră kiăng pơsir hĭ bruă anai ƀơƀrư̆ kiăng kơ tañ hloh, pơhlôm pơgang klin.

Siu Đoan: Pơblang