VOV4.Jarai-Klăm lơ 19/11, Khua dêh čar ơi Phạm Minh Chính hăng grup khua mua pơ ala mơnuih ƀôn sang dêh čar ƀơi ƀôn prong Cần Thơ hơmâo bưp mơnuih ƀôn sang ruah khua ƀơi Cần Thơ. Ƀơi mông jơnum bưp mơnuih ƀôn sang ruah khua, lăi glăi tơlơi rơkâo, Khua dêh čar ơi Phạm Minh Chính lăi pơthâo hăng mơnuih ƀôn sang ruah khua ƀơi Cần Thơ tơlơi pơhing klin kheng ƀă hyu tơnap tap ƀơi rŏng lŏn tơnah hăng amăng dêh čar ta.

Hrom hăng anun Khua dêh čar lăi glăi lu tơlơi tơña mơ̆ng ană plơi pla, mơnuih ruah khua tơña nao. Biă mă ñu tơlơi rơkâo brơi pơsir tơlơi soh arăng pơkra gơnam sĭ mơdrô ngă mă ča, sĭ mơdrô dŏp, Khua dêh čar brơi thâo amra ngă kơtang hloh kơ bruă anai, ngă hră pơtrun mrô 98, pơtrun hiăp bơkơhmal ƀing soh, rơkâo djop gong gai kơnuk kơna, phat kơđi djơ̆ tơlơi phiăn, laih anun jao ling tơhan djop anom bruă kơnuk kơna gum hrom pơgăn, wai lăng tong ten, pơsir kơtang hloh ƀing ngă soh hnun kah tŭ yua.

Nay Jek: Pơblang