VOV4.Jarai - Đĭ pơhiăp amăng mông bưp mơnuih bơwih ƀong sĭ mơdrô ba gru ƀrô hrơi pioh hơdor mơnuih bơwih ƀong sĭ mơdrô Việt Nam (13/10) pơphun amăng mơguah lơ 12/10, Khua dêh čar mơ-it tơlơi pơpŭ kơ abih bang mơnuih bơwih ƀong sĭ mơdrô amăng dêh čar Việt Nam jai hrơi pơđĭ kyar kơtang dong, tŏ tui pơgôp lu dong amăng bruă pơjing lŏn ia Việt Nam hiam klă, pơdrông asah hăng čang rơmang ƀing bơwih ƀong sĭ mơdrô amra gum hrŏm hăng dêh čar ta, gir run găn rơgao tơnap tap pơgang hĭ klin kman hăng hơkrŭ glăi bruă pơkra pơjing gơnam, pơđĭ kyar bơwih ƀong huă - mơnuih mơnam, tŏ tui ba glăi boh than hing ang mơng mơnuih bơwih ƀong sĭ mơdrô Việt Nam.

Khua dêh čar bưp mơnuih bơwih ƀong sĭ mơdrô ba gru

Khua dêh čar ta ơi Phạm Minh Chính sa wŏt dong pơsit tong tơlơi gơgrong yôm phăn mơng ƀing mơnuih bơwih ƀong sĭ mơdrô amăng bruă pơđĭ kyar lŏn ia ta. Ping gah, kơnuk kơna lêng kơ đing nao hăng lăng yôm hơdôm tơlơi pơgôp mơng mơnuih bơwih ƀong sĭ mơdrô Việt Nam. Khua dêh čar ta čang rơmang pơ anăp anao djop anom bơwih ƀong sĭ mơdrô amra gum hrŏm hăng Kơnuk kơna găn rơgao tơnap tap kiăng kơ pơjing lŏn ia Việt Nam pơđĭ kyar, pơdrông asah.

Siu Đoan: Pơblang