VOV4.Jarai-Mơguah lơ 13/10, Khua dêh čar ơi Phạm Minh Chính hơmâo bưp mơnuih ruah khua ƀôn prong Cần Thơ tui hơdră lăng nao rai amăng tivi, prăp lui jơnum lok dua, khua mua pơ ala mơnuih ƀôn sang dêh čar tal XV. Pơ ala kơ kơnuk kơna sa wơ̆t dơ̆ng Khua dêh čar lăng yôm tơlơi djru hrom dong yua mơ̆ng mơnuih ruah khua ƀôn prong Cần Thơ, amăng bruă pơhlôm, pơgang klin covid 19 hăng djă bong kjăp rŭ glăi bơwih ƀong huă mơnuih mơnam.

Khua dêh čar ơi Phạm Minh Chính bưp mơnuih ruah khua ƀôn prong Cần Thơ

Hăng sa čô khua pơ ala mơnuih ƀôn sang dêh čar mơ̆ng ƀôn prong Cần Thơ, Khua dêh čar lăi pơthâo hơdôm boh yôm phun, hơdôm tơlơi mơnuih ruah khua gleng nao kah hăng bruă pơhlôm, pơgang klin covid 19; tơlơi pơhing pơđĭ kyar bơwih ƀong huă mơnuih mơnam 9 blan thun 2021 amăng dêh čar ta lăi hrom, ƀôn prong Cần Thơ ăt hnun mơ̆n.

Khua dêh čar čang rơmang hăng pran jua thâo gum pơgôp, tŭ ư nao rai sa hnong, gir run lu hloh, Cần Thơ kiăng prăp lui hlâo, ngă tui khut khăt hloh, tañ rŭ pơdong glăi tơlơi bơwih ƀong huă pơđĭ kyar hmar hloh hăng hơđong kjăp mơnuih mơnam bơwih ƀong huă.

Nay Jek: Pơblang