VOV4.Jarai-Mơguah lơ 1/7, ƀơi anom bruă kơnuk kơna, Khua dêh čar ơi Phạm Minh Chính git gai jơnum kơnuk kơna lok blan 6.

Ƀơi mông jơnum, Kơnuk kơna hmư̆ hăng bơkơtuai 6 mơta hră lăi pơthâo kơ tơlơi phun, bruă mă yôm: Tơlơi pơhing bơwih ƀong huă mơnuih mơnam blan 6 hăng 6 blan akŏ thun 2021; sem glăi bruă mă git gai, pơpha bruă, hơdră pơsir bơblih bruă sĭ mơdrô, pơđĭ tui tơlơi kơtang gêh găl bruă mă 6 blan akŏ thun 2021; pơčrông sai, ĕp hơdră pơsir hơdôm tơlơi ngă amuñ brơi hră pơar kơ anom bruă sĭ mơdrô ngă bruă amăng 6 blan rơnuč thun 2021 dơ̆ng hăng hơdôm bruă mă yôm pơkŏn.

Pơhiăp ƀơi mông jơnum, Khua dêh čar ơi Phạm Minh Chính lăi pơtong, jơnum tal anai hơmâo lu boh yôm phun, pơtong glăi bơwih ƀong huă mơnuih mơnamm ĕp hơdră či ngă amăng 6 blan rơnuč thun 2021. Laih dơ̆ng pơčrông sai lu mơta tơlơi yôm pơkŏn, ječ ameč ră anai kah hăng pơhlôm, pơgang klin Covid 19, pơsir tơlơi tơnap tap sĭ mơdrô, pơkra ming.

Nay Jek: Pơblang