VOV4.Jarai-Mơguah lơ10/12, Khua dêh čar ơi Phạm Minh Chính, Khua git gai mơ̆ng dêh čar, pơhlôm pơgang klin Covid 19, jơnum hăng khul git gai amăng đơ đam dêh čar pơhlôm, pơgang klin Covid 19.

Pơhiăp amăng mông jơnum, ơi Phạm Minh Chính Khua dêh čar lăi pơtong, hơdôm hrơi hăng anai, klin kheng ăt ƀă hyu tơnap tap, hơmâo lu mơnuih ƀă amăng plơi pla, mơnuih ruă kraih hăng djai lu tui, jơnum anai pơčrông sai 8 mơta bruă phun, kiăng lăi pơthâo tum teč kơ tơlơi anun, kiăng tŭ ư hrom mơ̆ng Khul git gai dêh čar truh pơ djop tơring čar, ƀôn prong, truh pơ tơring glông, să kơ tơhnal pơkă bruă či ngă; bruă pơhlôm, pơgang klin kiăng ngă hrom tong ten hloh, tơpă ară, djơ̆ găl, tŭ yua.

Khua dêh čar, pơtrun hiăp truh lơ 31/12 khom tlâ̆o djop 2 arăt vaccine pơgang Covid 19 kơ mơnuih djop 18 thun pơngŏ, tlâ̆o arăt tal 3 kơ ƀing kiăng tlâ̆o biă mă. Djop tơring čar khom prăp lui hơdră pơtô pơblang, pơđĭ tui tơlơi thâo hluh kơ mơnuih ƀôn sang, bruă wai lăng mơnuih ƀôn sang amăng hrơi pơdă čơkă thun phrâo bơyan Noel hăng pơdơi ngă yang thun phrâo djuai ania brơi rơnuk rơnua hơđong kơ mơnuih ƀôn sang.

Nay Jek: Pơblang