VOV4.Jarai - Lơ 26/9, Khua dêh čar ơi Phạm Minh Chính git gai Jơnum lăng nao rai amăng tivi hăng anom bơwih ƀong hăng hơdôm tơring čar kơ hơdră djru ba anom bơwih ƀong amăng hrơi hơmâo klin Covid-19. Pơhiăp ƀơi mông jơnum, Khua dêh čar lăng yôm biă tơlơi pơgôp hiăp mơng khua anom bơwih ƀong amăng dêh čar hăng dêh čar tač rơngiao, đah mơng gum hrŏm pơgang klin Covid-19, pơsir tơlơi tơnap, djă bong tơlơi bơwih ƀong sĭ mơdrô. Amăng hrơi blan pơ anăp, Khua dêh čar ta git gai hơdôm ding jum, anom bruă lăi pơthâo hơdră pơsir mơng Ping gah, Kơnuk kơna hơmâo pơtrun. Ding jum wai lăng Akŏ bruă hăng Tuh pơ alin tañ čih pơkra hơdră  hơkrŭ glăi tơlơi bơwih ƀong, hơmâo ngă ƀơi hơdôm bruă bơwih ƀong phara, tui tơring čar phara. Laih dong, sit anom bơwih ƀong ăt kiăng čih pơkra hơdră hơkrŭ glăi tơlơi bơwih ƀong sĭ mơdrô kơ gơñu pô đah mơng dưi bơwih ƀong tui hơdră ngă bruă phrâo. Khua dêh čar pơsit, Kơnuk kơna, gong gai tơring čar lêng gum hrŏm, thâo hluh, djru ba kiăng hơmâo tơlơi bơwih ƀong amuñ ƀiă, djru ba biă kơ anom bơwih ƀong, mơnuih ƀon sang amăng bruă sĭ mơdrô, biă ñu amăng mông tơnap tui anai.

Siu H’Mai: Pơblang