VOV4.Jarai-Pơhiăp amăng mông jơnum mă bruă hăng ƀing mơnuih rơgơi kơhnâo, djop sang bruă, anom bruă ngă hrom kơsem min, pơkra ming vaccine pơgang Covid 19 pioh pơsir tơlơi tơnap tap, gun gan, pơtrut bruă anai hơmâo pơphun amăng lơ 12/8 ƀơi anom bruă kơnuk kơna, Khua dêh čar ơi Phạm Minh Chính rơkâo, abih bang khua mua, djop sang bruă, djop mơnuih khom hơmâo pran jua glăm ba soh, kơtưn hloh ngă hrom tong ten, tŭ yua kiăng dưi pơkra pơjing vaccine amăng dêh čar ta pô tañ hloh.

Pơhiăp pok jơnum, Khua dêh čar ơi Phạm Minh Chính lăi rơđah, Kơnuk kơna, Khua dêh čar, Khua git gai pơhlôm pơgang klin khom khut khăt git gai, mơnuih ƀôn sang ăt gleng nao mơ̆n kơ bruă git gai anai kiăng pơkra ming vaccine. Khua dêh čar lăi pơtong, khom pơčrông sai laih anun khom pơkra ia jrao vaccine amăng dêh čar.

Ƀơi mông mă bruă, lu khua mua lêng kơ tŭ ư soh hăng tơlơi pơmin mơ̆ng Khua dêh čar ơi Phạm Minh Chính ăt ngă tui bơkơnar amăng bruă mă yua djop mơta ia jrao vaccine, djuai vaccine dưi hơmâo hră tŭ ư laih, brơi tlâ̆o pơgang tañ hloh, hmar hloh, hmao kru. Hơmâo vaccine hơgĕt khom tlâ̆o pơgang mơtam. Ƀing mơnuih rơgơi kơhnâo lăi anŏ tŭ yua mơ̆ng djop mơta ia jrao vaccine anun lêng kơ hơmâo hră pơsit laih soh.

Nay Jek: Pơblang