VOV4.Jarai - Tlam lơ 22/12, Khua dêh čar ta ơi Phạm Minh Chính hăng grup hyu mă bruă mơng Kơnuk kơna hơmâo mông mă bruă hăng khua mua pơprong tơring čar Quảng Bình. Tơdơi kơ hmư̆ tơlơi lăi pơthâo mơng hơdôm ding jum, gơnong bruă hăng Khua mua tơring čar Quảng Bình, Khua dêh čar ơi Phạm Minh Chính pơpŭ kơ hơdôm tơlơi dưi ngă amăng tơring čar Quảng Bình amăng thun blan laih rơgao, Khua dêh čar lăi pơtong, thun 2021, mah bưp lu tơlơi tơnap tap, tơlơi lông samơ̆ Ping gah, gong gai hăng mơnuih ƀon sang tơring čar Quảng Bình hơmâo gir run, dưi ngă lu tơlơi.

Khua dêh čar mă bruă hăng khua mua tơring čar Quảng Bình

Khua dêh čar ta lăi rơđah, thun 2022 ăt lĕ thun tŏ ngă tui hơdôm tơlơi pơsit yôm phun mơng Jơnum Ping gah tal XIII hăng Jơnum Ping gah djopp gưl. Hơnong pơkă lĕ pơđĭ kyar hơđong kjăp, pơđĭ kyar prong hăng dơlăm, hrưn đĭ tơlơi hơdip kơ mơnuih ƀon sang, hơđong bruă kơđi čar, pơhlôm rơnuk rơnua hăng gơnang nao hơdôm anŏ gal phara. Khua dêh čar rơkâo Quảng Bình pơgang kjăp klin kheng, tañ pơgiong hơnong pơkă amăng tlâ̆o vaccine ară tal 2 brơi ƀing mơnuih mơng 18 thun amăng blan 12, pơgiong bruă tlâ̆o ară tal 3 amăng rơwang tal I thun 2022.

Siu Đoan: Pơblang