VOV4.Jarai-Mơguah lơ 28/12, Khua dêh čar ơi Phạm Minh Chính nao jơnum hrom hăng đĭ pơhiăp ƀơi mông jơnum Hơdră anăn 75 rơbâo pơčeh phrâo, găn rơgao tơlơi tơnap tap, pơđĭ kyar, yua kơ Anom bruă phun mơnuih tơpuôl Việt Nam pơphun. Hơdră 75 rơbâo pơčeh phrâo, găn rơgao tơlơi tơnap, pơđĭ kyar dưi pơphun ngă dơ̆ng mơ̆ng Jơnum ruah khua ping gah dêh čar ta tal XIII, hrơi mông dêh čar ta grun pran jua pơhlôm pơgang klin Covid 19.

Tơdơi kơ 80 hrơi pơkơtưn mă bruă, hơmâo 250 rơbâo 177 anŏ pơčeh phrâo ba pơplông, găn rơgao 300% pơkă hăng anŏ kiăng. Boh yôm phun hơdră anai lu mơta, hơmâo pơƀuh lu bruă mă, anom bruă pơplông. Pơhiăp amăng mông jơnum, Khua dêh čar, ơi Phạm Minh Chính bơni hăng pơpŭ kơ lu khul grup hăng mơnuih ngă bruă thâo pơčeh phrâo yôm biă mă, ba gru hlâo dưi pơpŭ amăng mông jơnum anai.

 Khua dêh čar lăi, Ping gah hăng Kơnuk kơna ta lăng yôm tơlơi pơčeh phrâo ia rơgơi tơlơi kơhnâo, bruă tom  ngă mơ̆ng mơnuih ƀôn sang, boh nik ñu tơlơi pơčeh phrâo mơ̆ng mơnuih mă bruă. Khua dêh čar kiăng hơdră 1 klăk anŏ pơčeh phrâo, tơlơi gir run găn rơgao tơnap tap, thâo pơmin phrâo khut khăt ngă tui dưi hĭ klin prong Covid 19 amra tŏ tui boh tŭ yua anai, pơđĭ tui kơtang, tŭ yua, ba glăi boh hiam, djru hrom lu hloh kơ djop sang bruă, anom bruă, mơnuih ƀôn sang djop drơi pô.

Nay Jek: Pơblang