VOV4.Jarai - Tŏ tui tal nao čuă sit nik dêh čar prang, lơ 5/11, Khua dêh čar ơi Phạm Minh Chính hăng grup khua mơng Việt Nam nao čuă, ngă bruă hăng Anom bruă Pasteur Paris. Khua Anom bruă Pasteur Paris brơi thâo amăng hơdôm boh dêh čar ngă hrŏm hăng anom bruă, Việt Nam jing dêh čar gơgrong bruă yôm biă. Pơhiăp ƀơi mông ngă bruă, Khua dêh čar lăi, anai lĕ anih mơ̆ Grup khua Việt Nam lăng kiăng nao čuă, hơkrŭ tui tơlơi ngă hrŏm hăng Anom bruă Pasteur. Anom bruă Pasteur jing anom bruă pơtruh brơi Việt Nam hăng Prang. Ƀơi rŏng lŏn tơnah, hui đôč mơng hơmâo 3 anom bruă Pasteur kah hăng Việt Nam, hơmâo dưm ƀơi kual kơdư, tong krah hăng dơnung, brơi ƀuh tơlơi thâo pơmin dlăm mơng rơnuk đưm.

Ăt amăng lơ 5/11, khua dêh čar ơi Phạm Minh Chính nao čuă Anom bruă pơtô hrăm, boh thâo ia rơgơi hăng gru grua mơng Sang gum hơbit djŏp dêh čar (UNESCO) pơdong ƀơi Paris, Prang hăng bưp yă Audrey Azoulay, Khua UNESCO. Tlam mơmot lơ 5/11, Khua dêh čar ơi Phạm Minh Chính tơbiă đuăi mơng Paris, pơđut bruă nao čuă dêh čar Prang klă hiam.

Siu H’Mai: Pơblang