VOV4.Jarai - Tlam lơ 18/8, Khua dêh čar ơi Phạm Minh Chính hơmâo mông ngă bruă hăng Anom bruă pơtô ba mơnuih ƀon sang, pơ ala kơ Kơnuk kơna, Khua dêh čar bơni kơ Anom bruă pơtô ba mơnuih ƀon sang djŏp gưl, hơdôm khul grup apăn bruă čar gir run ngă bruă pơgang klin. Amăng bruă pơgang klin, Anom bruă pơtô ba mơnuih ƀon sang, Jơnum min djŏp djuai ania mơnuih mơnam, khul, grup kơđi čar - mơnuih mơnam gum ngă bruă klă, thâo pơmin mă pô, lăng yôm tơlơi suaih pral, tơlơi hơdip mơng mơnuih ƀon sang yơh phun.

Anih pơphun jơnum

Bruă pơtô ba mơnuih ƀon sang hơmâo kiăo tui tơlơi git gai mơng Ping gah, Kơnuk kơna, ngă pơplih phrâo amăng bruă iâu pơthưr, pơtô pơblang mơnuih ƀon sang. khua dêh čar ta kiăng, ƀing ta gir yơh samơ̆ kiăng gir hloh dong, gum pơgôp nao rai hloh, ngă bruă klă kiăng klă hloh tui anun kah mơng dưi ba lŏn ia đĭ kyar tui hơđăp, pơđĭ kyar bơwih ƀong huă - mơnuih mơnam, djru ngă truh kih Hră pơtrun jơnum Ping gah dêh čar tal 13.

Siu H’Mai: Pơblang