VOV4.Jarai - Tlam lơ 1/12, Khua dêh čar ơi Phạm Minh Chính git gai mông ngă bruă mơng ataih kơplah wah Khua mua Kơnuk kơna hăng khua git gai ƀon prong Đà Nẵng kơ bruă bơwih ƀong huă - mơnuih mơnam. Khua dêh čar ơi Phạm Minh Chính bơni biă mă kơ tơlơi gir run mơng ƀing khua git gai, djŏp gưl ping gah, gong gai plơi pla, tơhan hăng mơnuih ƀon sang ƀon prong Đà Nẵng amăng bruă pơhlôm pơgang klin Covid-19 hăng pơđĭ kyar bơwih ƀong huă - mơnuih mơnam amăng hrơi blan rơgao.

Khua dêh čar ơi Phạm Minh Chính ngă bruă hăng khua mua ƀon prong Đà Nẵng

Rơngiao kơ anun, Khua dêh čar hơmâo črâo pơƀuh tơlơi aka ƀu dưi ngă kơ bruă bơwih ƀong, pơđĭ kyar aka ƀu djơ̆ hăng tơlơi gêh gal, tơlơi hơmâo hăng tơlơi lăng ba mơng Ping gah, Kơnuk kơna. Amăng hrơi blan pơ anăp, Khua dêh čar kiăng ƀon prong Đà Nẵng kiăng pơtrut tui pran jua thâo gum pơgôp, gơgrong bruă mă pô, pơjing tơlơi ƀu hơmâo jing hơmâo, tơnap jing amuñ, pơčeh phrâo, pơsir tơlơi tơnap tap đah mơng hrưn đĭ. Laih dong, kiăng hơdôm Ding jum, anom bruă pơƀut pơsir hĭ tơlơi tơnap tap ngă amun brơi kơ Đà Nẵng pơđĭ kyar.

Siu H’Mai: Pơblang