VOV4.Jarai - Mơguah lơ 27/8, Khua dêh čar ơi Phạm Minh Chính, Khua khul git gai dêh čar amăng pơgang klin Covid-19 hrŏm hăng grup hyu mă bruă mơng Kơnuk kơna hơmâo nao čuă jơmư tơña bla, pơ alum pran jua ƀing apăn bruă Ping gah, Gong gai hăng mơnuih ƀon sang Bình Dương, pel ĕp, git gai bruă pơgang klin hăng pran jua nao lăng tơl anih, hmư̆ bruă tong ten bruă pơgang klin hăng pơhlôm brơi tơlơi hơdip kơ mơnuih ƀon sang ƀơi să, phường. Tal hyu mă bruă kiăng kơ lăng glăi dong kơ bruă pok pơhai kơtưn pơčlah mơnuih mơnam hăng hơdră pơgang klin Covid-19 amăng tơring čar Bình Dương dong mơng lơ 23/8, amăng anun đing nao pel ĕp hơdôm anih djru pơgang klin ƀơi să, phường. Tơdơi kơ pel ĕp hơdôm anih djru pơgang klin hăng ƀơi hơdôm să, phường, Khua dêh čar hơmâo mông mă bruă hăng Khua mua tơring čar Bình Dương, Khua dêh čar rơkâo truh lơ 15/9 Bình Dương kiăng gir run pơgang hĭ klin ba glăi tơlơi hơdip tui hơđăp.

Siu Đoan: Pơblang