VOV4.Jarai-Tlam lơ 14/6/2021, Khua dêh čar ơi Phạm Minh Chính hơmâo pơhiăp telephôn bơkơtuai hăng Khua dêh čar Prang ơi Jean Castex. Amăng tơlơi bơkơtuai nao rai, ơi Phạm Minh Chính lăng yôm bruă ngă giăng mah rô nao rai kơplah wah Việt Nam hăng Prang thun blan rơgao, lăi pơtong dêh čar Prang lĕ sa amăng hơdôm dêh čar ngă gŏp mrô sa mơ̆ng Việt Nam ƀơi kual Mi kô̆ laih anun čang rơmang kơtưn ngă gơyut gơyâo tui gru grua đưm, đăo kơnang kjăp hăng lăng yôm dua bơnah.

Dua čô khua tŭ ư ngă hrom kah pơpha tơlơi thâo thăi pơhlôm pơgang klin. Khua dêh čar Prang lăi, djru Việt Nam amăng bruă vaccine. Kơ bruă ngă hrom bơwih ƀong huă dua bơnah, dua čô khua hơmâo pơčrông sai nao rai, tŭ ư ngă kjăp hloh, pok pơhai mă yua boh tŭ yua Hră pơkôl EVFTA laih anun tañ pơsit hĭ hră pơkôl EVIPA dơ̆ng; ngă gêh gal kơ bruă sĭ mơdrô gơnam đang hmua mơ̆ng Việt Nam nao pơ dêh čar Prang biă mă ñu boh troh bơyan mơyan mơ̆ng Việt Nam ră anai.

Nay Jek: Pơblang