VOV4.Jarai -  Ƀrô djơ̆ tal Jơnum lăng nao rai mơng ataih gưl dlông Đông Á (EAS) tal 16, čơtlăm lơ 27/10, Khua dêh čar ta ơi Phạm Minh Chính hmâo laih bruă tŭ jum ƀing khua pơ ala Anih jưh, Khua pơ ala hơdôm bôh dêh čar nao pơhmư̆ jơnum ƀơi Hà Nôị, hlâo kơ hmư̆ bruă Jơnum mơng akô̆ phun tô nao rai mơng ataih ƀơi Hà Nội. Pơhiăp amăng mông tŭ jum, Khua dêh čar ta ơi Phạm Minh Chính pơsit glăi Việt Nam ăt ngă tui mơn hơdră bruă pơtom hiăp rơngai, gơgrong pô, pơplih lu mơta, lu bơnah bruă pơtom hiăp; gơgrong hlâo, mut hrom klă hăng jar kơmar abih bang, dơlăm; jing gơyut, bơnah đăo gơnang hăng jing ding kơna klă, hmâo bruă gơgrong amăng jar kơmar. Hăng pran jua anun, Việt Nam lăng yôm pơtrut tơlơi rô nao rai giăng mah, gum hrom klă hiam hăng hơdôm bôh dêh čar, gum tơngan hrom djă kơjăp tơlơi rơnuk rơnua, hơđong pioh pơđĭ kyar, pơtrut gum hrom lu bơnah, pơlir hơbit hăng mut hrom jar kơmar yua kơ sa rŏng lŏn hơdjă, klă hiam, pơđĭ kyar kơjăp, abih bang hăng thâo rơgơi hloh./.

Siu H’ Prăk: Pô pơblang